Un Novoliensis ufanu

 

 

POESIA DI ERSILIO LE LEUNE /leuna/le Fasciddhre/fasciddhra/sarcine/sarcina

Novulum – Fòcara te Sant’Antoniu te lu fuecu

Tuttu incigna

cu na leuna te igne

ca poi se ttaccane e ddentane sarcine,

li cristiani ca stane subbra le scale se le passane

a spaddra, una subbra llaura

Eccuu…la Fòcara

cu na fasciddhra se

dduma lu fuecu

ca face criscere

la vampa intra l’uecchi

Mpiccia lu fuecu…. ca sintimu

lu rusciu te la Fòcara

e lu ndore te la purvere te sparu

ca manna la ntronatura te li fuechi d’artificiu

Uardamu all’aria le fasciddhre ca olane

an cielu ammienzu le stiddhre e la luna

Te mmaggini trueni e lampi,

eppuru li cristiani pe magia

ritene e ballanu

pe li Dei e li timoni

Li cuntadini preane Sant’Antoniu Abate

nuesciu te lu fuecu cu face scire meiu l’annata prussima

Le vampate ca manna la Fòcara ne lassane

nu segnu intra ll’uecchi

e scarfane lu core

Mpizzicamu lu fuecu bbuenu te la Fòcara

Nell’allegato Link compare l’originale in dialetto e tradotta in Italiano e Francese,