1672. Re: Proverbi, detti e motti di spirito dei dialetti italiani4 anni faSalva

Un modo di dire in uso nel Capo di Leuca:

” Ci ccentra lu culu cu le quattru tempure?”

Si usa dire quando, in una discussione, l’interlocutore cambia argomento per non affrontare il problema, cerca di sviare il discorso o rcon argomenti fuori luogo.

La nascita e’ dovuta ad un curato molto arguto del 700 ,di Lucugnano, fraz. di Tricase , Don Galeazzo.

Tante ne disse e ne combino’, che fu scritto un libro, “li cunti de Papa Caliazzu”

Letteralmente significa :” Che c’entra il mio fondoschiena con le 4 Tempora?” (un rito della Chiesa)

Questa e’ la storia ( lu cuntu)

Papa Caliazzu tenìa nna soru ca se chiamàa Pippi; nun era cchiùi vagnona ma mancu nziana, però se straccàa mprima quandu facìa ccerte servìzie te casa, pe quistu se limitàa sulu cu cucina e cu dèsçia nna pulizzata susu susu.

Allora fràisa l’acciprete se pigghiàu nna serva (comu n’ìa tittu sorsa), nu pròpiu, anzi pe nienti ngraziata (comu ìa ulutu sorsa), ma mutu sperta.

Cu llu tiempu papa Caliazzu se sçiu ncorse ca lu Ronzu sacrestanu se la facia cu lla serva e de notte la sçìa ttruàa ntra lla cammereδδa te la canòneca.

L’arciprèite, ncazzatu ca ccerte cose succetìanu a ccasa soa, nnanti alla stàtua te la Vèrgine Marìa e alli quatri te li Santi mpisi a lli pariti, e quasi sutta allu nasu sou, decise cu fazza spicciare stu scàndalu e nna sira scangiàu la càmmera soa cu cquiδδa te la serva, cussì lu sacrestanu nu lla putìa sçire truare te notte.

La prima notte nu ssuccesse nenzi, la secunna mancu, alla tersa notte prima te lu llucìscere papa Caliazzu nzatàu ntra llu sennu e se ddescetàu percé se ntise friculare ddo manu fridde fridde susu a lle nàteche càute càute.

– Vèrgine santa! Cce sta’ ssuccete? Ei, ci sinti? Cce ccazzu uèi! – retàu papa Caliazzu a llu scuru.

Lu nnamuratu te la serva, ene a dìcere lu sacrestanu, se nde ccurgìu te lu spàgliu e, spiertu te cervieδδu e furmine te lìngua, fice ca ddummanda:

– Acciprete, suntu ièu, lu Ronzu; t’àggiu cercatu cu tte ddummandu ci percisà – ièu nu mme rrecordu – ete sta matina ci àggiu ssunare le Quattru Tèmpure.

– I’, ci te egna còccia! – disse papa Caliazzu – Bruttu làžžaru ci nu sinti àutru, e cce ccentra lu culu cu lle Quattru Tèmpure?